ராட்சசன் படம் இந்தி ரீமேக்கில் ரகுல் பிரீத்சிங் - Rakul Preet Singh

ராட்சசன் படம் இந்தி ரீமேக்கில் ரகுல் பிரீத்சிங் - Rakul Preet Singh

தமிழில் வெற்றி பெற்ற படங்களை இந்தியில் ரீமேக் செய்கின்றனர். மாதவன் விஜய்சேதுபதி நடித்த விக்ரம் வேதா, கார்த்தி நடித்த கைதி, விக்ரமின் அந்நியன் மற்றும் மாநகரம் உள்ளிட்ட படங்கள் இந்தியில் ரீமேக் ஆகின்றன. விஜய்யின் மாஸ்டர், நயன்தாரா நடித்த கோலமாவு கோகிலா ஆகிய படங்களையும் இந்தியில் எடுக்க முயற்சிகள் நடக்கின்றன. இதுபோல் ராட்சசன் படமும் இந்தியில் ரீமேக் ஆகிறது. இந்த படம் விஷ்ணு விஷால் நடிப்பில் 2018-ம் ஆண்டு வெளியானது. 2019-ல் தெலுங்கில் ராக்சசுடு என்ற பெயரில் ரீமேக் செய்யப்பட்டு அங்கும் வரவேற்பை பெற்றது.

இதையடுத்து இந்தியிலும் ராட்சசன் ரீமேக் செய்யப்பட உள்ளது என்றும், இதில் விஷ்ணு விஷால் கதாபாத்திரத்தில் அக்ஷய்குமார் நடிக்கிறார் என்றும் - அறிவித்து இருந்தனர். இந்த நிலையில் ராட்சசன் இந்தி ரீமேக்கில் கதாநாயகியாக நடிக்க ரகுல்பிரீத் சிங்கை ஒப்பந்தம் செய்துள்ளனர். இந்த படத்தை ரஞ்சித் திவாரி இயக்குகிறார். படப்பிடிப்பு தொடங்கி உள்ளது.